Skip to main content
Ukategorisert

Planlagde kurs!

Av 2. February 2025Ingen kommentar

Dei neste månadane vert det fleire kurs her i Gripen.

Først vert det kurs i lefsebaking, med hovudvekt på bruk av potet. De kan og få prøve bake på vedfyrt takke.

DOGMESTRIKK! Eller direktestrikking. Her får du lære å strikke direkte av rå ull. Kun enkel tilverking av ulla før strikking. Same teknikk kan brukast til hekling. Ulltilverking for den late!

På oppfordring planlegg eg kurs i reparasjon og vedlikehald av gamle kitta vindauge.

Så vert det kurs i å lage såper. Her vert Ida Camilla Bjørge instruktør. https://www.instagram.com/blomeogbrake/

Eg prøver og å få til eit kurs i korgfletting no i vår

I juni planlegg eg kurset, Ull, – frå sau til nøste. Kurset går over ei helg. Dag ein nappar me sauer, ser på ulla, vurderar kvalitet og sorterar.Me finn og vel ut den ulla kan me bruke til å lage garn. Førebuing til spinning; finsortering på farge, plukking av rusk, eventuelt vasking, karding. Dag to kardar me vidare og startar spinning. Det vert karding og spinning heile dagen.

Alle dagskurs har matservering, i tillegg til kaffe/te og lett kaffimat.

Er du interessert i eitt eller fleire kurs, send meg ein epost og meld di interesse. post@gripengard.no Merk med kurs i emnefeltet.

Helene Sollid

Helene Sollid

Gardbrukar og altmuligoter

Skriv en kommentar


The reCAPTCHA verification period has expired. Please reload the page.