Det vert haldne mange kurs her i Gripen. Me held ulike kurs i gamalt handverk; ofte kjend som raudlista handverk.  Gripen gard er ein stor aktør i Ullveka, der me har mange kurs og andre arrangement kvart år. Døme på kurs er:

• Ullhandtering og sortering
• Napping av gamalnorsk sau, vurdering av ulla.
• Karding
• Spinning, både handtein og rokk
• Dogmestrikk (strikking direkte frå rå, ubehandla ull)
• Plantefarging, både finne plantene, forarbeid og farging
• Brikkevev
• Bogevev (ut i skogen og finne emne til boge og så setje opp veven i bogen)
• bøting /lapping, ulike teknikkar
• Pinnevev
• Lefsebaking
• Ulike måtar å tove på
• Redesign
• Tørrmuring
• Gjerding
• Grøfting
• Mykje meir

Om du har lyst på eit kurs, kan du sende meg ein epost, og så set eg deg på lista saman med andre som er interessert i same kurset. Er du/de interessert i eit kurs som ikkje er nemnd her, kan du kontakte meg om det, så kan eg sjå om eg kan få det til å skje likevel. Eg kan hyre inn instruktørar om eg ikkje sjølv kan faget. Kurs eg har tenkt å arrangere i fortsetjinga er td korgfletting og kipelaging.