Når ein kjøpe rokk usett, fordi ein har vorte forført av kor vakker han er, då kan det føre til litt trøbbel… Denne rokken er gråtevakker, men såpass miteten og skranglen, at eg er ikkje alt for optimistsik. Men eg må no prøve i alle fall.
Når eg sit med ein slik gamal bruksgjenstand i hendene, vert det til at eg tenkjer på dei menneska, ein gong for fleire liv sidan, som åtte denne skatten. På den første eigaren som sikkert fekk denne rokken i gåve frå ein kjær person, kanskje ein kjærast. Ei trulovingsgåve, kanskje? Eg tenkjer på gleda som måtte ha vore der. Vonleg var det ein god rokk den gongen, slik at han var lett å bruke, og fin tråd kunne spinnast på han.
Som de ser er det mykje hol etter mit, og då kan han jo verte litt svak i kroppen, men eg må jo berre gi denne vakre tingen ein ny sjanse, kanskje får me han i bruk att, slik at han kan gjere det han skal, spinne tråd.
Hei, vi har arvet en gammel rokk som trenger sårt restaurering. Bor i Oslo – kjenner du noen som kan gjører dette for oss
Nei , dessverre, eg kjenner faktisk ingen andre som reparerar rokkar. Du kan sikker få ein finsnekkar til å hjelpe deg, men det børe vere nokon med kunnskap om korleis ein rokk skal vere, og kjenne til alle innstillingane og slikt. Kanskje du kan ta med rokken på ferie neste gong, og så leige hytte i Gripen, så kan eg reparer rokken medan de har ferie. Om det ikkje slumpar til å vere midt i slåtten då, for då har eg ikkje tid til noko anna enn slåtten. 😉