Ukategorisert

Dei neste månadane vert det fleire kurs her i Gripen.

Først vert det kurs i lefsebaking, med hovudvekt på bruk av potet. De kan og få prøve bake på vedfyrt takke.

DOGMESTRIKK! Eller direktestrikking. Her får du lære å strikke direkte av rå ull. Kun enkel tilverking av ulla før strikking. Same teknikk kan brukast til hekling. Ulltilverking for den late!

På oppfordring planlegg eg kurs i reparasjon og vedlikehald av gamle kitta vindauge.

Så vert det kurs i å lage såper. Her vert Ida Camilla Bjørge instruktør. https://www.instagram.com/blomeogbrake/

Eg prøver og å få til eit kurs i korgfletting no i vår

I juni planlegg eg kurset, Ull, – frå sau til nøste. Kurset går over ei helg. Dag ein nappar me sauer, ser på ulla, vurderar kvalitet og sorterar.Me finn og vel ut den ulla kan me bruke til å lage garn. Førebuing til spinning; finsortering på farge, plukking av rusk, eventuelt vasking, karding. Dag to kardar me vidare og startar spinning. Det vert karding og spinning heile dagen.

Alle dagskurs har matservering, i tillegg til kaffe/te og lett kaffimat.

Er du interessert i eitt eller fleire kurs, send meg ein epost og meld di interesse. post@gripengard.no Merk med kurs i emnefeltet.

Det vert haldne mange kurs her i Gripen. Me held ulike kurs i er gamalt handverk; ofte kjend som raudlista handverk.  Gripen gard er ein stor aktør i Ullveka, der me har mange kurs og andre arrangement kvart år. Døme på kurs er:

• Ullhandtering og sortering
• Karding
• Spinning, både handtein og rokk
• Plantefarging, både finne plantene, forarbeid og farging
• Brikkevev
• Lefsebaking
• Ulike måtar å tove på
• Redesign
• Tørrmuring
• Gjerding
• Grøfting
• Reparasjon av gamle vindauge
• Korgmaking
• Mykje meir

Om du har lyst på eit kurs, kan du sende meg ein epost, og så set eg deg på lista saman med andre som er interessert i same kurset. Er du/de interessert i eit kurs som ikkje er nemnd her, kan du kontakte meg om det, så kan eg sjå om eg kan få det til å skje likevel. Eg kan hyre inn instruktørar om eg ikkje sjølv kan faget. Kurs eg har tenkt å arrangere i fortsetjinga er td korgfletting og kipelaging.

Det er godt når ting kjem i gjenge att etter alle koronarestriksjonane. Eg hat tent meir dei to siste månadane enn dei to siste åra. Og gjestane er overstrøymande glade og nøgde. Det er eg og, endeleg aktivitet med folk og besøk! Her er eit lite døme på kva ein gjest laga etter å ha vitja Skrivestova.

Fredag 11. desember kom endeleg kalven me har venta slik på! Fiona er ei slik flink og god mor. Passar så godt på og har så gode morsinstinkt. Det er så godt når det går bra. Kalven, som er ei lita kvige, er så spros og sprek. Ho har byrja å hoppe og danse, og oppfører seg slik som kalvar skal. Ho er eit kvitt lite vidunder, berre bittelitt svart på snute, kring augo og litt på øyro, og svarte framklauvar. Ho vart fødd på den finaste dagen i vinter, med sol og frost. Difor vert ho heitande Rimros. Så fekk dei tre dagar utan jobbing i løa, men på måndag var me i gang igjen. Og kyrne tek det heilt chill. Ikkje noko stress, sjølv om me bankar og sagar, og skrur og kastar rundt på ting. No får eg att for investert tid saman med kyrne mine. Dei har full tillit til meg, og eg kan enkelt gjere alt eg må, også inne i boksen med Fiona og kalven. Og myyyyyyttji kos og kos og kos.

No er det sikkert mange som lurar…skal denne kalven få gå med mor. Ja det får han. Og så skal eg mjølke i tillegg. Me skal rett og slett dele. Og Fiona synest det er greit, eg får lov, seier ho, sidan det er meg. 😉 Og om ei stund vert det kokt brunost i Gripen. Men løa må berre verte meir ferdig først.

Sauene mine er presentert på sidene til Matbyen Bergen, både med tekst, foto og ein fin film. Eg frydar meg over dette. (minus å høyre og sjå seg sjølv, det er berre så innmari kleint) Klikk på linkane under bildet.

https://www.facebook.com/visitbergenofficial/videos/300216554577194

https://www.visitbergen.com/spisesteder/matbyen-bergen/villsau-en-lokal-delikatesse-pa-vestlandet?fbclid=IwAR1wYaeC8u8qeOyUoNzEiUIlXBao3o8cSDXWmTUC_An_Tajq-NNrmNBJTXc